Erik ten Xag Niderlandiyadan yana bir futbolchini "Manchester Yunayted"ga olib kelmoqchi.

"Manchester Yunayted" bosh murabbiyida qishda "Ayaks" hujumchisi Brayan Brobbini jamoaga taklif qilish fikri bor.

"Yunayted" va 21 yoshli hujumchi yozdan beri doimiy aloqada bo‘lib turishibdi. Futbolchi ham, klub ham bir-birini yuqori baholaydi.

Agar transfer yanvar oyida amalga oshmasa, Ten Xagning kelajagiga qarab yozda amalga oshirilishi mumkin. Hozir "Ayaks" futbolchini 2027 yilgacha shartnoma bilan qo‘yib yubormoqchi emas.

Ten Xag qo‘l ostida "Manchester Yunayted"ga Erediviziya klublaridan bir nechta o‘yinchilar kelishdi: Antoni, Lisandro Martines, Tirell Malasia. Qolaversa, klubda “Ayaks”ning sobiq futbolchilari Andre Onana va Kristian Eriksen ham to‘p tepadi.

Brobbi joriy mavsumda 25 ta o‘yinda maydonga tushib, 13 ta gol va 4 ta golli uzatmaga mualliflik qilgan.