"Brest" bosh murabbiyi Erik Rua "An-Nasr" hujumchisi Krishtianu Ronalduning Saudiya chempionati Fransiya 1-ligasidan yuqori darajada ekanligi haqidagi so‘zlariga javob qaytardi.
“Men uni shu yerga taklif qilaman. U buni inobatga oladimi yoki yo‘q, bilmayman, lekin baribir.
Shunchaki, Ronaldu hech qachon Liga-1da o‘ynamagan, unda qanday qilib solishtirish mumkin? Avval bu yerda o‘ynashi kerak. Men uning fikrini hurmat qilaman, lekin boshqa aytadigan gap yo‘q", - dedi murabbiy.
Eslatib o‘tamiz, Krishtianu Ronaldu 2023 yil boshidan buyon “An-Nasr” safida to‘p tepmoqda. Portugaliya terma jamoasi futbolchisining Saudiya Arabistoni klubi bilan shartnomasi 2025 yilgacha mo‘ljallangan.
