"Брест" бош мураббийи Эрик Руа "Ан-Наср" ҳужумчиси Криштиану Роналдунинг Саудия чемпионати Франция 1-лигасидан юқори даражада эканлиги ҳақидаги сўзларига жавоб қайтарди.
“Мен уни шу ерга таклиф қиламан. У буни инобатга оладими ёки йўқ, билмайман, лекин барибир.
Шунчаки, Роналду ҳеч қачон Лига-1да ўйнамаган, унда қандай қилиб солиштириш мумкин? Аввал бу ерда ўйнаши керак. Мен унинг фикрини ҳурмат қиламан, лекин бошқа айтадиган гап йўқ", - деди мураббий.
Эслатиб ўтамиз, Криштиану Роналду 2023 йил бошидан буён “Ан-Наср” сафида тўп тепмоқда. Португалия терма жамоаси футболчисининг Саудия Арабистони клуби билан шартномаси 2025 йилгача мўлжалланган.
