O‘zbekiston terma jamoasi yarim himoyachisi Odiljon Hamrobekov Avstraliya bilan o‘yin oldidan o‘z fikrlari bilan o‘rtoqlashdi.
"Musobaqa yuqori saviyada, qiziqarli o‘yinlar va kutilmagan natijalar bilan davom etmoqda, Ertaga bizni qit’amizda o‘z o‘rniga ega, yaxshi shakllangan jamoaga qarshi bahs kutib turibdi. Jamoamizda ichki muhit zo‘r, avvalgi o‘yindagi g‘alaba ham bunga asosiy sabablardan biri. Statistika bu shunchaki raqamlar xolos, Avstraliyaga qarshi yomon an’anaga chek qo‘yamiz.
Har qanday jamoa singari biz ham o‘z oldimizga yuqori maqsad qo‘yganmiz, o‘yinda hamma narsa bo‘lish mumkin, futbolda hammaning imkoniyati teng va maydonda keyingi uchrashuvdagi raqibni o‘ylash uchun umuman vaqt bo‘lmaydi", deydi Hamrobekov.
