Ўзбекистон терма жамоаси ярим ҳимоячиси Одилжон Ҳамробеков Австралия билан ўйин олдидан ўз фикрлари билан ўртоқлашди.

"Мусобақа юқори савияда, қизиқарли ўйинлар ва кутилмаган натижалар билан давом этмоқда, Эртага бизни қитъамизда ўз ўрнига эга, яхши шаклланган жамоага қарши баҳс кутиб турибди. Жамоамизда ички муҳит зўр, аввалги ўйиндаги ғалаба ҳам бунга асосий сабаблардан бири. Статистика бу шунчаки рақамлар холос, Австралияга қарши ёмон анъанага чек қўямиз.

Ҳар қандай жамоа сингари биз ҳам ўз олдимизга юқори мақсад қўйганмиз, ўйинда ҳамма нарса бўлиш мумкин, футболда ҳамманинг имконияти тенг ва майдонда кейинги учрашувдаги рақибни ўйлаш учун умуман вақт бўлмайди", дейди Ҳамробеков.