Gvineya futbol federasiyasi vakili Amadu Makadjining aytishicha, Afrika Millatlar kubogi doirasidagi Gambiya terma jamoasiga (1:0) qarshi o‘yinda Gvineya terma jamoasi g‘alabasini nishonlash chog‘ida olti kishi halok bo‘lgan.
“Muhimi, muxlislarimiz muvaffaqiyatlarini tinchgina nishonlashlari kerak. Ular o‘zlarini xavf ostiga qo‘ymaslik uchun juda ehtiyot bo‘lishlari kerak, chunki futboldan maqsad oilalarga qayg‘u emas, quvonch keltirishdir.
Biz boshqa o‘limlar uchun motam tutishni istamaymiz, shuning uchun biz hammani bayram qilishga chaqiramiz.
Gvineya odamlari futbolga ishtiyoqi baland bo‘lgan mamlakat", - deya Makaji so‘zlarini keltirmoqda Daily Mail.
Gvineya poytaxti Konakrida istiqomat qiluvchi fuqarolar jamoa g‘alabasini motosikl va avtomobillarda shahar ko‘chalariga chiqish orqali nishonlashga qaror qilishdi.
Ikki mashinaning yuqori tezlikda to‘qnashuvi oqibatida 3 kishi halok bo‘lgan, qolganlari esa boshqa YTHlarda jarohatlangan.
