Ispaniyalik jurnalist Fransua Gallardo o‘zining X ijtimoiy tarmog‘idagi sahifasida (sobiq Twitter) "PSJ" va Franssya terma jamoasi hujumchisi Kilian Mbappening kelajagi haqida yangi tafsilotlar bilan bo‘lishdi.
Jurnalistning ta’kidlashicha, Mbappe "Real" bilan yozma hujjatlar yoki og‘zaki kelishuv bo‘lsin, hech qanday shartnoma tuzmagan. Boz ustiga, Kilian 15 kundan ortiq vaqt davomida "Qirollik klubi" vakillari bilan aloqaga chiqmayapti.
Gallardo shuningdek, Kilian Mbappe shaxsiy suhbatida 2024 yilning martida, ya’ni taxminan bir yarim oydan so‘ng bo‘lajak klubi haqida qaror qabul qilish niyatida ekanligini aniq aytganini qo‘shimcha qildi.
Eslatib o‘tamiz, yaqinda bir qancha manbalar Mbappening "Real Madrid" bilan shartnomasi bo‘yicha kelishib olgani va ispan klubi o‘z navbatida hozirda klub afsonasi Luka Modrich kiygan 10-raqamni taniqli fransuzga berishga tayyorligini xabar qilgan edi.
