Испаниялик журналист Франсуа Галлардо ўзининг Х ижтимоий тармоғидаги саҳифасида (собиқ Twitter) "ПСЖ" ва Франсця терма жамоаси ҳужумчиси Килиан Мбаппенинг келажаги ҳақида янги тафсилотлар билан бўлишди.

Журналистнинг таъкидлашича, Мбаппе "Реал" билан ёзма ҳужжатлар ёки оғзаки келишув бўлсин, ҳеч қандай шартнома тузмаган. Боз устига, Килиан 15 кундан ортиқ вақт давомида "Қироллик клуби" вакиллари билан алоқага чиқмаяпти.

Галлардо шунингдек, Килиан Мбаппе шахсий суҳбатида 2024 йилнинг мартида, яъни тахминан бир ярим ойдан сўнг бўлажак клуби ҳақида қарор қабул қилиш ниятида эканлигини аниқ айтганини қўшимча қилди.

Эслатиб ўтамиз, яқинда бир қанча манбалар Мбаппенинг "Реал Мадрид" билан шартномаси бўйича келишиб олгани ва испан клуби ўз навбатида ҳозирда клуб афсонаси Лука Модрич кийган 10-рақамни таниқли французга беришга тайёрлигини хабар қилган эди.