Ispaniyaning “Sevilya” klubi Italiyaning “Roma” klubida ijara asosida o‘ynayotgan “Bayer” hujumchisi Serdar Azmunga qiziqish bildirmoqda.
Manbaga ko‘ra, "Roma" "Sevilya"dan Azmunga qiziqish bildirayotganiga qaramay, eronlik futbolchining ijarasini muddatidan oldin bekor qilmoqchi emas. Qayd etilishicha, rimliklarning yangi bosh murabbiyi De Rossi Serdar bilan ishlamoqchi.
Joriy mavsumda 29 yoshli hujumchi Italiya chempionatida “Roma” safida 13ta o‘yin o‘tkazib, bitta gol urdi. Futbolchining "Bayer" bilan amaldagi mehnat shartnomasi 2027 yilning yoziga qadar tuzilgan.