"Manchester Yunayted" futbolchilari jamoa bosh murabbiyi Erik ten Xagning yondashuvidan to‘liq qoniqmayapti.

The Athletic xabariga ko‘ra, niderlandiyalik mutaxassisning taktik tayyorgarligi uzoq davom etayotgani futbolchilarga yoqmayapti.

O‘zining sinchkovligi tufayli Ten Xag barcha o‘yinchilar hamma narsani to‘g‘ri tushunishlariga ishonch hosil qilishga harakat qiladi.

Bu shunday nuqtaga keladiki, taktika darslari ba’zan bir soat davom etadi. Manbaga ko‘ra, Ten Xagning o‘yinlarga ko‘rsatmalarini qayta-qayta takrorlashi ba’zi futbolchilarni zeriktiradi. Ayniqsa, futbolchilarga oddiy va tushunarli bo‘lib ko‘ringan munosabatlar haqida gap ketganda. "Manchester Yunayted" ayni damda APL turnir jadvalida 8-o‘rinni egallab turibdi.