"Bavariya" "Nyukasl" himoyachisi Kiran Trippyerni sotib olish ustida ishlamoqda. Seshanba kuni matbuotda Bundesliga giganti 33 yoshli angliyalik uchun 15 million yevro taklif qilgani haqida ma’lumot tarqaldi. Endilikda Daily Mail nashrining xabar berishicha, "Nyukasl" bu taklifni rad etgan.
Avvalroq Kiran Trippyer qishda "Bavariya"ga o‘tish istagi borligi haqida xabarlar tarqalgan edi. Himoyachining "Nyukasl" bilan amaldagi shartnomasi 2025 yil o‘rtalariga qadar mo‘ljallangan.
2023/2024 yilgi mavsumning 28 ta o‘yinida Trippyer jamoadoshlari uchun 8 ta golli uzatmani amalga oshirdi.
