"Бавария" "Ньюкасл" ҳимоячиси Киран Триппьерни сотиб олиш устида ишламоқда. Сешанба куни матбуотда Бундеслига гиганти 33 ёшли англиялик учун 15 миллион евро таклиф қилгани ҳақида маълумот тарқалди. Эндиликда Daily Mail нашрининг хабар беришича, "Ньюкасл" бу таклифни рад этган.
Аввалроқ Киран Триппьер қишда "Бавария"га ўтиш истаги борлиги ҳақида хабарлар тарқалган эди. Ҳимоячининг "Ньюкасл" билан амалдаги шартномаси 2025 йил ўрталарига қадар мўлжалланган.
2023/2024 йилги мавсумнинг 28 та ўйинида Триппьер жамоадошлари учун 8 та голли узатмани амалга оширди.
