Londonning “Chelsi” klubi Angliya Liga kubogining birinchi yarim finalida “Midlsbro”ga qarshi kechgan o‘yindagi omadsizligiga munosib javob qaytardi va 6 ta gol urdi. Bu, albatta, finalga chiqish uchun yetarli edi. “Chelsi” ustozi Maurisio Pochettino uchrashuv natijalari haqida fikr bildirdi, argentinalik mutaxassis muvaffaqiyatini jamoasining raqib darvozasi oldidagi muvaffaqiyatli o‘yini bilan bog‘ladi:
"Biz raqib darvozasi oldida juda aniq va shafqatsiz edik. Birinchi o‘yinda bizga aynan shu sifat yetishmadi. Biz bugun juda yaxshi o‘ynadik", - deya Pochettino so‘zlarini keltirmoqda BBC Sport.
Angliya Liga kubogining boshqa yarim finalida “Liverpul” va “Fulxem” o‘zaro o‘ynaydi.
