O‘zbekiston terma jamoasi bosh murabbiyi Srechko Katanes Osiyo kubogi guruh bosqichi 3-turi doirasida bo‘lib o‘tgan Avstraliyaga qarshi o‘yin (1:1) borasida o‘z fikrini bildirib o‘tdi.

"Sergeev jarohat sababli safdan chiqdi. Endi «D» reja ishlab chiqaman. Bu mening ishim. Agar tarkibda birorta ham jarohat bo‘lmasa, bu murabbiy uchun eng yaxshi holat. Ammo vaziyatdan kelib chiqib yechim topish uchun qo‘limdan kelgan barcha ishni qilaman.

Nimchorak finaldagi raqibimiz aniq bo‘lganidan keyin u haqida o‘ylay boshlaymiz.

Biz Avstraliya darvozasiga bosh bilan gol urdik. Vaholanki, bu jamoa safida saviyali futbolchilar ko‘p. Masalan, ular burchak zarbasi yoki jarima zarbasi berayotganida raqib jamoa himoyachilari bizning jarima maydonimizga kelishadi. Ularning bo‘yi bizning futbolchilardan baland. Shuning uchun vaziyat nima bilan tugashini bilmaysan. Bu o‘ziga xos stress.

Bizning tarkibda ham yaxshi saviyadagi futbolchilar bor. Gol urish uchun oldinga boramiz. O‘ylaymanki, bugungi o‘yinda gol urishga munosib bo‘ldik", — dedi Katanes.