Jazoir terma jamoasi Afrika kubogidagi omadsizlikdan keyin bosh murabbiysiz qoldi.
Jazoir futbol federasiyasi prezidenti Valid Sadi jamoa guruhdan chiqa olmaganidan keyin Jamol Belmadi bilan uchrashgani va u bilan shartnomani bekor qilishga kelishib olganini aytdi.
Jazoir Angola, Burkina-Faso va Mavritaniya bilan to‘rtlikda oxirgi o‘rinni egalladi. Jamoa ketma-ket ikkinchi marta turnirda guruh bosqichidan o‘ta olmadi.
Belmadi milliy terma jamoani 2018 yildan buyon boshqarib kelayotgandi va ular bilan 2019 yilda Afrika kubogini qo‘lga kiritgan.
