"Antverpen"ning 18 yoshli yarim himoyachisi Artur Vermeren "Atletiko"ga o‘tish oldidan Belgiya klubi muxlislari bilan xayrlashdi. Eslatib o‘tamiz, avvalroq yosh yarim himoyachining "Atletiko"ga o‘tishi mumkinligi haqida ma’lumotlar paydo bo‘lgandi. Futbolchi 2018 yildan buyon "Antverpen" tizimida to‘p tepmoqda.
Avval xabar qilinganidek, “Atletiko” belgiyalik yarim himoyachi uchun taxminan 22 million yevro to‘laydi. Kelishuvda bonuslar ham mavjud. "Antverpen" shuningdek 18 yoshli futbolchining keyingi sotuvidan tushadigan foizga ishonishi mumkin bo‘ladi. "Matraschilar" futbolchi uchun "Barselona"ga qarshi kurashda g‘alaba qozona olishdi.
Joriy mavsumda Vermeren "Antverpen" tarkibida barcha musobaqalarda 32 ta o‘yin o‘tkazib, 2 ta gol va 6 ta golli uzatmani amalga oshirdi.
