"Антверпен"нинг 18 ёшли ярим ҳимоячиси Артур Вермерен "Атлетико"га ўтиш олдидан Бельгия клуби мухлислари билан хайрлашди. Эслатиб ўтамиз, аввалроқ ёш ярим ҳимоячининг "Атлетико"га ўтиши мумкинлиги ҳақида маълумотлар пайдо бўлганди. Футболчи 2018 йилдан буён "Антверпен" тизимида тўп тепмоқда.
Аввал хабар қилинганидек, “Атлетико” бельгиялик ярим ҳимоячи учун тахминан 22 миллион евро тўлайди. Келишувда бонуслар ҳам мавжуд. "Антверпен" шунингдек 18 ёшли футболчининг кейинги сотувидан тушадиган фоизга ишониши мумкин бўлади. "Матрасчилар" футболчи учун "Барселона"га қарши курашда ғалаба қозона олишди.
Жорий мавсумда Вермерен "Антверпен" таркибида барча мусобақаларда 32 та ўйин ўтказиб, 2 та гол ва 6 та голли узатмани амалга оширди.
