“Bavariya” yarim himoyachisi Yozua Kimmixga Yevropaning bir qancha superklublari qiziqish bildirmoqda.

Jurnalist Kristian Falkning yozishicha, Kimmixni Angliyaning “Liverpul” va “Manchester Siti” klublari o‘z safiga qo‘shib olmoqchi.

Qolaversa, nemis futbolchisi "PSJ"ning ham radarida turibdi. Avvalroq matbuotda fevral oyida 29 yoshga to‘ladigan Kimmix qishki transfer oynasida "Bavariya"ni tark etishni istamasligi haqida ma’lumot paydo bo‘lgandi.

Yaqinda futbolchi yana ota bo‘ldi, bu uning qaroriga ta’sir qilgan bo‘lishi mumkin.