"Manchester Yunayted" hujumchisi Markus Reshford Premyer-liganing yaqinda "Tottenxem"ga qarshi o‘yinida gol urganidan so‘ng, tanqidchilarga jim bo‘lishga ishora qildi.
Bu ishora “qizil iblislar” afsonasi Roy Kinga yoqmadi.
“Nega u hammadan g‘azablanganga o‘xshaydi? U "Manchester Yunayted"da o‘ynashdan zavq olishi kerak", - dedi Kin o‘sha paytda Sky Sports nashriga.
Endi Reshford mashg‘ulotdan jilmayib tushgan suratini ijtimoiy tarmoqqa joylashtirdi. Forvard Roy Kinga shu tarzda aniq javob qaytardi.
"U tabassum qilmoqda, hammasi yaxshi, odamlar!", – deya izoh qoldirgan Reshford.
