Italiyaning “Roma” klubi hujumchisi Romelu Lukaku Saudiya Arabistoni chempionati saviyasi haqida gapirdi.
“Klublar bu yerga dunyoga mashhur yulduzlarni jalb qilish uchun ko‘p harakat qilmoqda. Ular sezilarli darajada yaxshilanmoqda. Bu dunyodagi eng yaxshi musobaqa bo‘lishi mumkin", - deya Lukaku so‘zlaridan iqtibos keltirgan jurnalist Fabrisio Romano ijtimoiy tarmoqda.
Eslatib o‘tamiz, yozda Saudiya Arabistoni klublari hujumchini Yaqin Sharqqa taklif qilishgan, ammo u faoliyatini Yevropada davom ettirishga qaror qilgandi.
