Falastin terma jamoasi sardori Musab Al-Battat Osiyo Kubogi pley-off bosqichiga chiqqani haqida fikr bildirdi.
Makram Dabub shogirdlari 4 ochko jamg‘arib, guruh bosqichi yakuniga ko‘ra "C" guruhida 3-o‘rinni egalladi. Falastin o‘z tarixida ilk bor Osiyo Kubogining pley-off bosqichida o‘ynaydi.
"Qatardagi minglab muxlislar va butun dunyo bo‘ylab surgun qilingan millionlab falastinliklar bizning asosiy motivasiyamiz.
Biz har qanday qiyinchilikka ishonch bilan duch keldik va hozir to‘xtab qolmaymiz", — dedi Musab Al-Battat.
