“Napoli” “Udineze” himoyachisi bilan kuchayadi.
Klublar Neuen Peresning transferi bo‘yicha kelishuvga yaqin turibdi, deya xabar beradi Janluka Di Marsio. Yakuniy tafsilotlar tez orada hal qilinishi kerak.
Neapolliklar 23 yoshli futbolchining transferi uchun 16 million yevro to‘laydilar, shuningdek, 2 million yevro miqdorida bonuslar ham ko‘zda tutilgan. Bu summaning 50 foizini Peresning sobiq jamoasi "Atletiko" oladi.
Futbolchi "Napoli" bilan 4 yillik shartnoma imzolaydi. Uning maoshi mavsumiga 1,6 million yevroni tashkil qiladi.