"Bavariya" "Galatasaroy" himoyachisi Sasha Boening transferi borasida muzokaralar olib bormoqda.
Turkiyalik jurnalist Salim Manavning yozishicha, nemis klubi taklifni 30+2 million yevroga oshirgan.
Bir soat oldin Sky Sports Deustchland jurnalisti Florian Plettenberg "Bavariya" taklifni 25+5 million yevroga oshirgani haqida yozgan edi. "Galatasaroy" 30 million yevro va bonuslar talab qildi.
Xabarlarga ko‘ra, Boe bugun ertalab "Galatasaroy" bazasiga yetib kelgan. U "Bavariya"ga o‘tish uchun ruxsat kutmoqda, ammo klublar o‘rtasida hozircha kelishuv yo‘q.
Har ehtimolga qarshi "Bavariya" aeroportda Sasha uchun shaxsiy samolyot buyurtirdi. Jurnalist Yagiz Sabunjio‘g‘lining ma’lum qilishicha, “Galatasaroy” iltimosiga ko‘ra reys bekor qilingan. Shunga qaramay, "Bavariya" aviakompaniyadan kutishni so‘radi.
23 yoshli o‘ng qanot himoyachisi joriy mavsumda klub safida 31 ta o‘yinda maydonga tushib, 2 ta gol urishga muvaffaq bo‘ldi.