"Бавария" "Галатасарой" ҳимоячиси Саша Боэнинг трансфери борасида музокаралар олиб бормоқда.
Туркиялик журналист Салим Манавнинг ёзишича, немис клуби таклифни 30+2 миллион еврога оширган.
Бир соат олдин Sky Sports Deustchland журналисти Флориан Плеттенберг "Бавария" таклифни 25+5 миллион еврога оширгани ҳақида ёзган эди. "Галатасарой" 30 миллион евро ва бонуслар талаб қилди.
Хабарларга кўра, Боэ бугун эрталаб "Галатасарой" базасига етиб келган. У "Бавария"га ўтиш учун рухсат кутмоқда, аммо клублар ўртасида ҳозирча келишув йўқ.
Ҳар эҳтимолга қарши "Бавария" аэропортда Саша учун шахсий самолёт буюртирди. Журналист Ягиз Сабунжиўғлининг маълум қилишича, “Галатасарой” илтимосига кўра рейс бекор қилинган. Шунга қарамай, "Бавария" авиакомпаниядан кутишни сўради.
23 ёшли ўнг қанот ҳимоячиси жорий мавсумда клуб сафида 31 та ўйинда майдонга тушиб, 2 та гол уришга муваффақ бўлди.