"Milan" bosh murabbiyi Stefano Pioli "rossoneri" vingeri Rafael Leauni qo‘llab-quvvatladi, u bu mavsum oldingisiga nisbatan ancha kamtarona o‘yin ko‘rsatmoqda.
“Bu mavsum o‘tgan yilgidan ko‘ra ko‘proq gol urdik. Biz ligadagi ikkinchi eng yaxshi hujumkor jamoamiz va o‘ylaymanki, bunda Leauning ham aloqasi bor. U biz uchun hujumda tayanch nuqtasi bo‘lib, raqib himoyachilarini chalg‘itadi. U A Seriyada eng ko‘p uzatmalarni amalga oshiruvchi futbolchilardan biri. Rafa bilan maydon tashqarisida ham yaxshi munosabatdaman. U maydondagi rassom va dahodir", - deb Pioli so‘zlarini keltirmoqda Milan News.
Joriy mavsumda Leau barcha turnirlarda 25 ta o‘yinda qatnashib, 6 ta gol va 6 ta golli uzatmaga mualliflik qilgan. O‘tgan mavsumda portugaliyalik barcha turnirlarda 48 ta o‘yin o‘tkazib, 16 ta gol urgan va 15 ta golga assistentlik qilgan.
