"Manchester Siti" himoyachisi Natan Ake Angliya kubogi 1/16 finalida "Tottenxem" ustidan qozonilgan g‘alaba (1:0) haqida gapirdi. 28 yoshli niderlandiyalik futbolchi 88-daqiqada g‘alaba to‘pini kiritdi.

“Bu ajoyib tuyg‘u edi. Bu muhim daqiqa edi. Muxlislar ko‘p bo‘lib kelishdi va o‘yin davomida shovqin-suron qilishdi. Bu yerga borish oson emas. Ularga rahmat. Biz o‘yinda qoldik, bizda katta kuch bor edi, ular ham shunday. Muxlislar uchun, ayniqsa, bu yerga kelganlar uchun juda xursandman", - deya Akening so‘zlarini keltiradi rasmiy sayt.