"Milan" hujumchisi Olivye Jiru 2023/2024 yilgi mavsumning qolgan qismidagi o‘z o‘yinlaridan ham, jamoaning o‘yinidan ham umidlari bilan o‘rtoqlashdi.
“A Seriyada 20 ta gol urish mening maqsadimmi? Agar oxirida men buni qila olsam, ha. Gol urish borasida o‘zimga hech qanday to‘siq qo‘ymayman.
“Yuventus” va “Inter” bilan oradagi farqni qisqartirishga harakat qilishimiz mumkin. Aprel oyida bu ikki jamoa bilan o‘ynaymiz. Bu o‘yinlarda siz bor kuchingizni ko‘rsatishingiz kerak bo‘ladi. Ayni damda chempionlik haqida o‘ylash qiyin.
Agar Yevropa Ligasi haqida gapiradigan bo‘lsak, "Milan" ham autsayder, ham turnir favoriti, ammo biz bu sovrinni qo‘lga kiritishni istaymiz", - dedi Jiru.
Joriy mavsumda Jiru barcha turnirlarda 25 ta o‘yinda qatnashib, 11 ta gol va 8 ta golli uzatmani amalga oshirgan.
