"Милан" ҳужумчиси Оливье Жиру 2023/2024 йилги мавсумнинг қолган қисмидаги ўз ўйинлари ва жамоанинг ўйини ҳақида гапирди.
“А Серияда 20 та гол уриш менинг мақсадимми? Агар охирида мен буни қила олсам, ҳа. Гол уриш борасида ўзимга ҳеч қандай тўсиқ қўймайман.
“Ювентус” ва “Интер” билан орадаги фарқни қисқартиришга ҳаракат қилишимиз мумкин. Апрел ойида бу икки жамоа билан ўйнаймиз. Бу ўйинларда сиз бор кучингизни кўрсатишингиз керак бўлади. Айни дамда чемпионлик ҳақида ўйлаш қийин.
Агар Европа Лигаси ҳақида гапирадиган бўлсак, "Милан" ҳам аутсайдер, ҳам турнир фаворити, аммо биз бу совринни қўлга киритишни истаймиз", - деди Жиру.
Жорий мавсумда Жиру барча турнирларда 25 та ўйинда қатнашиб, 11 та гол ва 8 та голли узатмани амалга оширган.
