"Milan" bosh murabbiyi Stefano Pioli o‘z hamyurti Yannik Sinnerning Australian Open-2024 finaliga chiqqani haqida gapirdi.
Kecha, 26-yanvar kuni dunyoning to‘rtinchi raketkasi Sinner yarim finalda dunyoning birinchi raketkasi serbiyalik Novak Jokovichni 6:1, 6:2, 6:7, 6:3 hisobida mag‘lub etgandi.
"Men o‘yinni ko‘rdim. U aql bovar qilmas ish qildi, shu tariqa dunyoning birinchi raqamli tennischisini ortda qoldirdi.
Iste’dod, shu bilan birga fidoyilik bilan ham o‘yinning eng yuqori pog‘onasida. Biz muvaffaqiyatga erishishga harakat qilmoqdamiz va biz doimo yaxshilanishga intilish ambisiyalarimiz va mentalitetimizda o‘xshashmiz", - deya Piolining so‘zlarini keltirmoqda «Milan» rasmiy sayti.
Finalda Sinner ikkinchi yarim finalda germaniyalik Aleksandr Zverevni mag‘lub etgan dunyoning uchinchi raqamli rossiyalik Daniil Medvedev bilan o‘ynaydi.
Hal qiluvchi o‘yin 28 yanvar kuni taxminan 13:30 da bo‘lib o‘tadi.
