Myunxenning "Bavariya" klubi himoyachisi Matteys de Ligt yozda Angliya Premyer-ligasi klubi bilan shartnoma imzolashi mumkin.
Insayder Fabrisio Romano xabariga ko‘ra, "Manchester Yunayted" 24 yoshli niderlandiyalik himoyachini yozda sotib olinishi mumkin bo‘lgan futbolchilar qatoriga kiritdi. De Ligt "Bavariya"dagi kam o‘yin amaliyoti sabab jamoasini o‘zgartirishga qarshi emas.
Futbolchi 2022 yilning iyul oyida "Yuventus"dan 67 million yevroga sotib olingandi. Uning myunxenliklar bilan shartnomasi 2027 yilgacha mo‘ljallangan.