Мюнхеннинг "Бавария" клуби ҳимоячиси Маттейс де Лигт ёзда Англия Премьер-лигаси клуби билан шартнома имзолаши мумкин.
Инсайдер Фабрицио Романо хабарига кўра, "Манчестер Юнайтед" 24 ёшли нидерландиялик ҳимоячини ёзда сотиб олиниши мумкин бўлган футболчилар қаторига киритди. Де Лигт "Бавария"даги кам ўйин амалиёти сабаб жамоасини ўзгартиришга қарши эмас.
Футболчи 2022 йилнинг июль ойида "Ювентус"дан 67 миллион еврога сотиб олинганди. Унинг мюнхенликлар билан шартномаси 2027 йилгача мўлжалланган.