Germaniya chempionatining 19-turi doirasida «Bavariya» safarda «Augsburg» klubi mehmoni bo‘lib, qiyin g‘alabaga erishdi.

Myunxenliklar tanaffusga qadar Pavlovich va Devisning gollari evaziga 2 ta to‘p farqi bilan oldinga o‘tib olishdi. Ikkinchi bo‘limning dastlabki 15 daqiqasi ichida tomonlar bitttadan gol urishi evaziga hisobda farq saqlanib qoldi.

Uchrashuv tugashiga 4 daqiqa qolganida "Augsburg" penaltidan foydalana olmadi. Ikkinchi bo‘limga qo‘shib berilgan 4-daqiqada esa Demirovich penaltini golga aylantirib, hisobni 2:3 ko‘rinishga keltirdi. Bu esa yakuniy natija bo‘lib qoldi.

"Bavariya" ushbu g‘alaba tufayli o‘z ochkolarini 47 taga yetkazdi.

Germaniya chempionati, 19-tur
Augsburg – Bavariya 2:3 (0:2, 2:1)
Gollar: 0:1 – 23 Pavlovich, 0:2 – 45 Devis, 1:2 – 52 Demirovich, 1:3 – 58 Keyn, 2:3 – 90, penalti Demirovich.
Noaniq penalti: Mixel, 86
Augsburg – Damen, Mbabu, Gaueleu, Uduoxay, Yago (Mayer, 75), Yensen (Engels, 62), Yakich, Rejbechay (Pedersen, 62), Vargas (Mixel, 80), Demirovich, Tits (Belyo, 62).
Bavariya – Noyer, Gerreyru, Dayer, de Ligt, Devis, Pavlovich (Zvonarek, 90), Goretska, Koman (Tel, 26), Sane (Shupo-Moting, 89), Musiala (Myuller, 89), Keyn.
Ogohlantirishlar: de Ligt (6), Mbabu (19), Pavlovich (67), Yago (69), Sane (80), Gerreyru (90), Noyer (90), Goretska (90).