Германия чемпионатининг 19-тури доирасида «Бавария» сафарда «Аугсбург» клуби меҳмони бўлиб, қийин ғалабага эришди.

Мюнхенликлар танаффусга қадар Павлович ва Дэвиснинг голлари эвазига 2 та тўп фарқи билан олдинга ўтиб олишди. Иккинчи бўлимнинг дастлабки 15 дақиқаси ичида томонлар битттадан гол уриши эвазига ҳисобда фарқ сақланиб қолди.

Учрашув тугашига 4 дақиқа қолганида "Аугсбург" пенальтидан фойдалана олмади. Иккинчи бўлимга қўшиб берилган 4-дақиқада эса Демирович пенальтини голга айлантириб, ҳисобни 2:3 кўринишга келтирди. Бу эса якуний натижа бўлиб қолди.

"Бавария" ушбу ғалаба туфайли ўз очколарини 47 тага етказди.

Германия чемпионати, 19-тур
Аугсбург – Бавария 2:3 (0:2, 2:1)
Голлар: 0:1 – 23 Павлович, 0:2 – 45 Дэвис, 1:2 – 52 Демирович, 1:3 – 58 Кейн, 2:3 – 90, пенальти Демирович.
Ноаниқ пенальти: Михель, 86
Аугсбург – Дамен, Мбабу, Гауэлеу, Удуохай, Яго (Майер, 75), Йенсен (Энгельс, 62), Якич, Режбечай (Педерсен, 62), Варгас (Михель, 80), Демирович, Титц (Бельо, 62).
Бавария – Нойер, Геррейру, Дайер, де Лигт, Дэвис, Павлович (Звонарек, 90), Горетцка, Коман (Тель, 26), Сане (Шупо-Мотинг, 89), Мусиала (Мюллер, 89), Кейн.
Огоҳлантиришлар: де Лигт (6), Мбабу (19), Павлович (67), Яго (69), Сане (80), Геррейру (90), Нойер (90), Горетцка (90).