Serxi Roberto Xavidan "Barselona"ni tark etish haqidagi qarorini o‘zgartirishni so‘radi.
Bugun "blaugrana" bosh murabbiyi futbolchilar bilan uchrashib, yozda jamoani tark etishi sabablarini tushuntirdi.
Cadena SER xabariga ko‘ra, Roberto sardor sifatida 44 yoshli mutaxassisga murojaat qildi va emosional ravishda qolishni so‘radi.
Jamoa nomidan himoyachi aybni o‘z zimmasiga oldi va muvaffaqiyatsiz o‘yinlari uchun kechirim so‘radi. U futbolchilarning maydonda kurash olib borishiga va’da berdi va Xavini fikrini o‘zgartirishning yo‘li bormi, deb so‘radi.
