Ayni damda “Galatasaroy”da ijarada o‘ynayotgan “Leypsig”ning chap qanot himoyachisi Anxelinyo kelasi hafta “Roma” futbolchisi sifatida tanishtiriladi. Bu haqda jurnalist Fabrisio Romano xabar berdi.
Manbaga ko‘ra, ispaniyalik Rimga tibbiy ko‘rikdan o‘tish uchun 29 yanvar, dushanba kuni keladi. Shundan so‘ng "Roma" futbolchini 6 million yevroga sotib olish huquqi bilan joriy mavsum oxirigacha ijaraga oladi. Qayd etilishicha, "Galatasaroy" amaldagi ijara shartnomasini muddatidan oldin bekor qilishni ma’qullagan.
Anxelinyo 2023 yilning yozgi transfer oynasida vaqtincha "Leypsig"dan turk klubiga o‘tdi. Joriy mavsumda ispaniyalik barcha turnirlarda 19ta o‘yin o‘tkazib, bitta gol va bitta golli uzatmani amalga oshirdi.
