Айни дамда “Галатасарой”да ижарада ўйнаётган “Лейпциг”нинг чап қанот ҳимоячиси Анхелиньо келаси ҳафта “Рома” футболчиси сифатида таништирилади. Бу ҳақда журналист Фабрицио Романо хабар берди.
Манбага кўра, испаниялик Римга тиббий кўрикдан ўтиш учун 29 январь, душанба куни келади. Шундан сўнг "Рома" футболчини 6 миллион еврога сотиб олиш ҳуқуқи билан жорий мавсум охиригача ижарага олади. Қайд этилишича, "Галатасарой" амалдаги ижара шартномасини муддатидан олдин бекор қилишни маъқуллаган.
Анхелиньо 2023 йилнинг ёзги трансфер ойнасида вақтинча "Лейпциг"дан турк клубига ўтди. Жорий мавсумда испаниялик барча турнирларда 19та ўйин ўтказиб, битта гол ва битта голли узатмани амалга оширди.