"Tottenxem" "Brayton" va Irlandiya Respublikasi hujumchisi Evan Fergyusonni o‘z safiga qo‘shib olmoqchi. Bu haqda Football Espana xabar bermoqda. Manbaga ko‘ra, "shporlar" rahbariyati o‘z qanot vingeri Brayn Xilni qo‘shimcha to‘lov evaziga 19 yoshli forvardga almashtirishni rejalashtirmoqda.

Xil 2021 yildan beri "Tottenxem"da o‘ynamoqda. Joriy mavsumda vinger “shporlar” safida barcha turnirlarda 10 ta o‘yinda maydonga tushdi va bu o‘yinlarda samarasiz bo‘ldi. Transfermarkt internet portaliga ko‘ra futbolchining taxminiy narxi 16 million yevroni tashkil qiladi.

Fergyuson o‘z navbatida "Brayton" tarkibida barcha musobaqalarda 26 ta o‘yin o‘tkazib, 6 ta gol va bitta golli uzatmani amalga oshirgan.