"Тоттенхэм" "Брайтон" ва Ирландия Республикаси ҳужумчиси Эван Фергюсонни ўз сафига қўшиб олмоқчи. Бу ҳақда Football Espana хабар бермоқда. Манбага кўра, "шпорлар" раҳбарияти ўз қанот вингери Брайн Хилни қўшимча тўлов эвазига 19 ёшли форвардга алмаштиришни режалаштирмоқда.
Хиль 2021 йилдан бери "Тоттенхэм"да ўйнамоқда. Жорий мавсумда вингер “шпорлар” сафида барча турнирларда 10 та ўйинда майдонга тушди ва бу ўйинларда самарасиз бўлди. Transfermarkt интернет порталига кўра футболчининг тахминий нархи 16 миллион еврони ташкил қилади.
Фергюсон ўз навбатида "Брайтон" таркибида барча мусобақаларда 26 та ўйин ўтказиб, 6 та гол ва битта голли узатмани амалга оширган.
