Osiyo kubogi nimchorak finalidan o‘rin olgan to‘rtinchi o‘yin bo‘lib o‘tdi. Musobaqa mezboni Qatar terma jamoasi Falastinga qarshi maydonga chiqib, irodali g‘alabani qo‘lga kiritdi.

Falastinliklar birinchi bo‘limda yaxshi o‘yin namoyish etishdi. 37-daqiqada Qatar himoyachisining xatosidan foydalangan Oday Dabbag‘ darvozani ishg‘ol qildi.

Maydon egalari esa birinchi taymga qo‘shib berilgan 7-daqiqada hisobni tenglashtirishdi. Qatarliklar burchak zarbasini chiroyli tarzda amalga oshirishdi hamda Hasan al-Haydos to‘pni darvozaga joyladi.

Ikkinchi bo‘lim boshida Qatar penalti tepish huquqini qo‘lga kiritdi. Akrom Afif undan samarali foydalanib, jamoasini oldinga olib chiqdi. Bu Afifning turnirdagi to‘rtinchi goli bo‘ldi.

O‘yin oxirigacha hisob o‘zgarmadi va Qatar chorak finalga chiqdi. Bu jamoaga 1/4 final bosqichida O‘zbekiston-Tailand o‘yini g‘olibi raqib bo‘ladi.

Osiyo kubogi, 1/8 final
Qatar – Falastin - 2:1 (1:1)
Gollar: 0:1 – 37 Dabbag‘, 1:1 – 45 Al-Haydos, 2:1 – 49, penalti Akrom Afif.
Qatar – Barsham, Ro-Ro, Lukas Mendes, Xuxiy (Salmon, 46), Ar-Roviy (Al-Janhiy, 46), Abdulvahob, Jobiy (Ali, 89), Fataxiy, Afif, Al-Haydos (Xatem, 59), Ali.
Falastin – Hamadiy, Solih, Termaniniy, Saldanya, Mxagna, Xarub (Bassim, 75), Al-Battat, Seyyam (Batran, 58), Dabbag‘, Kunbar (Qumbor, 83), Abu Varda.
Ogohlantirishlar: Seyyam (15), Solih (48), Mxagna (85).