"Palmeyras" yoshlar jamoasining markaziy himoyachisi Pedro Felipe mavsumning ikkinchi qismini Turinda "Yuventus" safida o‘tkazadi, bu haqda insayder Fabrisio Romano ijtimoiy tarmoqda ma’lum qildi.
Manba bergan xabarga ko‘ra, 19 yoshli futbolchi tibbiy ko‘rikdan o‘tish uchun ertaga, 30 yanvar kuni Turinga keladi.
"Keksa sinyora" uni ikki million yevroga sotib oladi. Uning "Palmeyras" bilan shartnomasi 2026 yilning 31 dekabrigacha amal qiladi.
Joriy mavsumda Pedro Felipe to‘rtta o‘yinida ishtirok etdi, biroq hech qanday samarali harakatlarni amalga oshira olmadi. Ayni damda “Yuventus” Italiya chempionati turnir jadvalida ikkinchi o‘rinni egallab turibdi.
