"Палмейрас" ёшлар жамоасининг марказий ҳимоячиси Педро Фелипе мавсумнинг иккинчи қисмини Туринда "Ювентус" сафида ўтказади, бу ҳақда инсайдер Фабрицио Романо ижтимоий тармоқда маълум қилди.
Манба берган хабарга кўра, 19 ёшли футболчи тиббий кўрикдан ўтиш учун эртага, 30 январь куни Туринга келади.
"Кекса синёра" уни икки миллион еврога сотиб олади. Унинг "Палмейрас" билан шартномаси 2026 йилнинг 31 декабригача амал қилади.
Жорий мавсумда Педро Фелипе тўртта ўйинида иштирок этди, бироқ ҳеч қандай самарали ҳаракатларни амалга ошира олмади. Aйни дамда “Ювентус” Италия чемпионати турнир жадвалида иккинчи ўринни эгаллаб турибди.
