Qatarda bo‘lib o‘tayotgan Osiyo Kubogida Falastin terma jamoasi 1/8 final bosqichida o‘z yurishini to‘xtatdi - dushanba oqshomida falastinliklar Qatar terma jamoasi bilan o‘yinda dastlab juda yaxshi ko‘rinishgandi, ammo yakunda mag‘lub bo‘lishdi (1:2).
Vaholanki, turnirda falastinliklar terma jamoa tarixidagi eng yaxshi natijasini ko‘rsatishdi. Ilgari bu jamoa Osiyo Kubogi pley-off bosqichiga chiqa olmagan bo‘lsa, bu yerda 1/8 finalga chiqdi va undan ham yuqoriroqqa o‘tish imkoniyatiga ega bo‘lgandi.
Falastinliklar 2000 yildan 2011 yilgacha to‘rtta Osiyo kubogida qatnasha olmagan, 2015 va 2019 yillarda esa bu jamoa turnirning guruh bosqichida to‘xtagan.
Jahon chempionati saralashiga kelsak, 2002 yildan beri bir marta ham Falastin termasi chempionatning so‘nggi saralashiga chiqa olmagan.
