Қатарда бўлиб ўтаётган Осиё Кубогида Фаластин терма жамоаси 1/8 финал босқичида ўз юришини тўхтатди - душанба оқшомида фаластинликлар Қатар терма жамоаси билан ўйинда дастлаб жуда яхши кўринишганди, аммо якунда мағлуб бўлишди (1:2).
Ваҳоланки, турнирда фаластинликлар терма жамоа тарихидаги энг яхши натижасини кўрсатишди. Илгари бу жамоа Осиё Кубоги плей-офф босқичига чиқа олмаган бўлса, бу ерда 1/8 финалга чиқди ва ундан ҳам юқорироққа ўтиш имкониятига эга бўлганди.
Фаластинликлар 2000 йилдан 2011 йилгача тўртта Осиё кубогида қатнаша олмаган, 2015 ва 2019 йилларда эса бу жамоа турнирнинг гуруҳ босқичида тўхтаган.
Жаҳон чемпионати саралашига келсак, 2002 йилдан бери бир марта ҳам Фаластин термаси чемпионатнинг сўнгги саралашига чиқа олмаган.
