"Barselona" "Yurgorden" va Shvesiya yoshlar terma jamoasi yarim himoyachisi Lukas Bergvallni sotib olishga bir qadam qoldi. Bu haqda jurnalist Fabrisio Romano X ijtimoiy tarmog‘ida (sobiq Twitter) xabar berdi.

Manbaga ko‘ra, 17 yoshli shved va uning oilasi seshanba kuni ijobiy aloqalardan so‘ng muzokaralarni yakunlash va shartnoma imzolash uchun bugun yana "Barselona" bilan uchrashadi. Deku yarim himoyachi Shvesiyaga qaytishidan oldin Bergvall har bir tafsilot bo‘yicha kelishib olishini va shartnomani imzolashini istaydi.

Eslatib o‘tamiz, "Yurgorden" futbolchining Kataloniya klubiga o‘tishi uchun allaqachon yashil chiroq yoqqan. Transfer 7+3 million yevroga baholangan.