"Shalke" futbol klubi qiyin kunlarni boshidan kechirmoqda.

Jamoa hozirda Germaniya ikkinchi Bundesligasi turnir jadvalida atigi 15-o‘rinni egallab turibdi.

Sky xabariga ko‘ra, agar uchinchi divizionga tushib ketsa, "Shalke" taxminan 165 million yevro miqdoridagi katta qarzi tufayli lisenziya ololmaydi.

Bu holatda “Shalke” professional maqomini yo‘qotib, havaskorlar klubiga aylanadi.

Eslatib o‘tamiz, nisbatan yaqinda – 2010/2011 yilgi mavsumda “Shalke” Chempionlar ligasining yarim finaliga qadar yetib borgandi.

Bu bosqichda gelzenkirxenliklar keyinroq “Manchester Yunayted”ga mag‘lub bo‘lishgan.