O‘zbekiston terma jamoasi sobiq futbolchisi Ja’far Irismetov O‘zbekistonning Osiyo kubogi nimchorak final bosqichida Tailandga qarshi bo‘lib o‘tgan o‘yin borasida o‘z fikrlarini bildirib o‘tdi.

— Eng muhim — natija. Birinchi bo‘limda to‘pni nazorat qildik va golga tortadigan vaziyat yaratdik. Ikkinchi taymda esa biroz charchab qoldik va raqibga hujum qilish imkonini berdik. Hattoki hisob tenglashdi. Oston O‘runov yana hujumning oldi chizig‘ida tushirilgani g‘alati. Yana hujumchisiz o‘yin o‘tkazdik. Diyor Xolmatov asosiy tarkibda maydonga tushgani zo‘r bo‘ldi. Xolmatov golga uzatma berdi. Turg‘unboyev bilan "Paxtakor"cha bog‘lam ishladi. O‘runov esa, ochig‘ini aytsam, o‘zini u qadar yaxshi ko‘rsata olmadi, o‘zining eng kuchli jihatidan foydalanmadi.

Yigitlar charchagani sezildi. Ularga biroz og‘ir bo‘ldi. Ayni paytda murabbiylar uchun eng muhimi — Qatarga qarshi o‘yin oldidan futbolchilarni jismoniy jihatdan tiklab olish. Ba’zi futbolchilar safga qaytadi va tanlov imkoniyati bo‘ladi. O‘ylashimcha, murabbiy o‘yinni tahlil qiladi va xatolarni to‘g‘irlaydi.

Fayzullayev esa yaxshi harakat qildik va gol urdi. Gol urar ekan, demak, yaxshi o‘ynadi. Abbosga katta umidlar bildirilyapti. U o‘z darajasida harakat qildi. Unga nimadir yetishmadi, balki, toliqqandir. Biz esa undan ko‘prog‘ini kutyapmiz.

Keyingi o‘yingacha u tiklanib olib, yanada yaxshiroq o‘ynaydi, deb umid qilaman. G‘alaba qozondikmi, demak, barcha yaxshi o‘ynaydi! Agar O‘zbekistonga keyingi uchrashuvda g‘alaba qozonsa, yarim finalga chiqadi. G‘alabalar kutamiz!» – dedi Irismetov.