"Chelsi" bosh murabbiyi Maurisio Pochettino 25 fevral kuni "Liverpul"ga qarshi bo‘lib o‘tadigan Liga kubogi finali haqidagi o‘z fikrlari bilan o‘rtoqlashdi.

"Bizga shubha qiladigan odamlar biz kabi har kuni 12 soat klubda bo‘la olmaydi. Va bu yerda sodir bo‘layotgan hamma narsani tushuntirib bera olmaymiz. Farqi shunda. 7 oydan so‘ng, bu holatlarning barchasi travmatik... Agar katta narsalarga qarasangiz - biz "Liverpul"ga qarshi Liga kubogi finalidamiz.

20ta jamoadan faqat 2tasi chempionlik uchun kurashadi. Biri "Liverpul" ikkinchisi "Chelsi". O‘ylaymanki, hozircha biz unchalik e’tirof etilmayapmiz. Biz "Brayton" va "Nyukasl" kabi jamoalarni mag‘lub etib, finalga chiqdik, chunki biz bunga haqli edik. Lekin hech kim hech narsa demadi.

"Liverpul" finalga chiqsa - bu juda katta bayram. Ammo "Chelsi" finalga yo‘l olsa "bu odatdagidek ish" kabi javob berishadi. Bu haqiqatan ham adolatsizlik" - dedi Pochettino.

"Chelsi" Liga kubogi finali yo‘lida "Uimbldon", "Brayton", "Blekbern", "Nyukasl" va "Midlsbro"ning to‘sig‘idan o‘tdi.

"Liverpul" "Lester", "Bornmut", "Vest Xem" va "Fulxem"ni mag‘lub etdi.