"Челси" бош мураббийи Маурисио Почеттино 25 февраль куни "Ливерпул"га қарши бўлиб ўтадиган Лига кубоги финали ҳақидаги ўз фикрлари билан ўртоқлашди.
"Бизга шубҳа қиладиган одамлар биз каби ҳар куни 12 соат клубда бўла олмайди. Ва бу ерда содир бўлаётган ҳамма нарсани тушунтириб бера олмаймиз. Фарқи шунда. 7 ойдан сўнг, бу ҳолатларнинг барчаси травматик... Агар катта нарсаларга қарасангиз - биз "Ливерпул"га қарши Лига кубоги финалидамиз.
20та жамоадан фақат 2таси чемпионлик учун курашади. Бири "Ливерпуль" иккинчиси "Челси". Ўйлайманки, ҳозирча биз унчалик эътироф этилмаяпмиз. Биз "Брайтон" ва "Ньюкасл" каби жамоаларни мағлуб этиб, финалга чиқдик, чунки биз бунга ҳақли эдик. Лекин ҳеч ким ҳеч нарса демади.
"Ливерпуль" финалга чиқса - бу жуда катта байрам. Аммо "Челси" финалга йўл олса "бу одатдагидек иш" каби жавоб беришади. Бу ҳақиқатан ҳам адолатсизлик" - деди Почеттино.
"Челси" Лига кубоги финали йўлида "Уимблдон", "Брайтон", "Блэкберн", "Ньюкасл" ва "Мидлсбро"нинг тўсиғидан ўтди.
"Ливерпуль" "Лестер", "Борнмут", "Вест Хэм" ва "Фулхэм"ни мағлуб этди.
