Brayan Saragosa qishda "Bavariya"ga o‘tadi.
Insayder Fabrisio Romanoning ta’kidlashicha, myunxenliklar 22 yoshli futbolchining transferi uchun yangi sanani "Granada" bilan kelishib olishgan. Ispan klubi uni qishda qo‘yib yuborgani uchun bonuslar bilan birga 3-4 million yevro oladi.
Oldinroq Germaniya chempioni Saragosa yozda o‘z safiga qo‘shilishi haqida ma’lum qilgandi.
Qanot hujumchisi payshanba kuni Germaniyaga uchib ketadi. U hujjatlarni imzolaydi va yangi jamoa tarkibida birinchi mashg‘ulotni o‘tkazadi.
Joriy mavsumda Saragosa La Liganing 21 ta uchrashuvida qatnashib, 6 ta gol urdi.