Брайан Сарагоса қишда "Бавария"га ўтади.

Инсайдер Фабрицио Романонинг таъкидлашича, мюнхенликлар 22 ёшли футболчининг трансфери учун янги санани "Гранада" билан келишиб олишган. Испан клуби уни қишда қўйиб юборгани учун бонуслар билан бирга 3-4 миллион евро олади.

Олдинроқ Германия чемпиони Сарагоса ёзда ўз сафига қўшилиши ҳақида маълум қилганди.

Қанот ҳужумчиси пайшанба куни Германияга учиб кетади. У ҳужжатларни имзолайди ва янги жамоа таркибида биринчи машғулотни ўтказади.

Жорий мавсумда Сарагоса Ла Лиганинг 21 та учрашувида қатнашиб, 6 та гол урди.